Golovkınniń bapkeri «Kanelonyń» qýlyǵyn aıtty

ASTANA. QazAqparat - Qazaqstandyq bylǵary qolǵap sheberi Gennadıı Golovkınniń (37-0-1, 33 KO) bapkeri Abel Sanches Yahoo! Sports ınternet basylymyna bergen suhbatynda onyń shákirti birinshi aıqasta nelikten meksıkalyq Saýl Alvarestiń (49-1-2, 34 KO) keýde tusyna shabýyldamaǵanyn túsindirdi, dep jazady Sports.kz.

«Óte turaqty qarsylastyń keýde tusyna berilgen soqqymen sulatý ońaı emes. Qarsylas júgirip júrse - ol qıyn nysana. Birneshe raýnd boıy Gennadıı «Kanelonyń» keýdesine soqqy berýge áreket jasady, biraq tóreshi belge urmaýyn eskertip otyrdy.

«Kanelo» keýde soqqylarynan jaltarý úshin osylaı qashqaqtap júrdi. Bálkim, revanshta Golovkın keýdeden durysyraq soqqy beretin shyǵar», - deıdi Abel Sanches.

Aıta keteıik, ESPN Stats and Info bergen málimetterge qaraǵanda, birinshi jekpe-jekte Alvares Golovkınniń keýde tusynan 44 ret soqqan, al Gennadıı nebary 8 soqqysyn qarsylasynyń keýdesine daryta alǵan.