Golovkınniń bapkeri «Kanelomen» jekpe-jektegi nokaýttyń basty shartyn aıtty
«Nokaýt pa? Biz bul týraly onymen sóılestik. Kórermender eki boksshynyń biriniń jeńgenin qalaıdy. Meıli, ol nokaýtpen bolsyn, meıli, tóreshilerdiń sheshimimen bolsyn. Eger nokaýt bolsyn dese, «Kanelo» óziniń sózinde turyp, ózi ýáde etkendeı judyryqtasýy kerek. Ol birinshi kezdesýdegideı emes, qolyn ońdy-soldy silteýi kerek. Sonda ǵana biz ótken joly kóre almaǵan klassıkalyq jekpe-jekti kóremiz. Barlyǵy onyń óziniń nokaýt bolatyndaı kezdesý ótkizýge qadam jasaı alýyna baılanysty. Eger ol ótken jolǵydaı qasha beretin bolsa, onda tóreshilerdiń sheshimimen de jeńý ońaı bolmaıdy. Qalyń kópshilik muny qalap otyrǵan joq»,-dedi Sanches Boxeo de Colombia basylymyna bergen suhbatynda.
Birinshi kezdesý 2017 jyly 16 qyrkúıekte Las-Vegasta ótken bolatyn jáne ol teńdeı aıaqtalyp, onyń arty eldi dúrliktirdi. Ekinshi kezdesý 15 qyrkúıekte sol burynǵy jerde ótedi.