Golovkınniń bapkeri «Kanelomen» jekpe-jekke qatysty málimdeme jasady

ASTANA. QazAqparat - Gennadıı Golovkın men Saýl Alvares arasyndaǵy orta salmaq dárejesindegi kópten kútken kezdesýden keıin GGG-diń bapkeri Abel Sanches Golovınnen jekpe-jekti ózgeshe júrgizý stılin kórgisi keletinin aıtty, dep habarlaıdy Sports.kz.

Eske salaıyq, aıqas sońynda tóreshilerdiń sheshimine sáıkes meksıkalyq boksshy jeńimpaz atanǵan edi.

«Tyńdańyzdar, «Kanelonyń» alǵashqy kezdesýde ózi qalaǵandaı judyryqtasýyna ne sebep boldy? Biz bapkerler retinde mindetterimizdi oryndaımyz: boksshylardy jattyqtyramyz, jattyǵý kezinde qolymyzdan kelgendi aıamaımyz, oıynnyń josparyn jasaımyz. Olar rıngke shyǵar kezde yńǵaıyna qaraı keletin dúnıelerdi baıqaıdy. Chepo «Kanelonyń» alǵashqy jekpe-jektegideı bokstasqanyn qalamaǵanyna senimdimin. Múmkin Gennadıı osy joly meniń oıymdaǵydaı judyryqtasqysy kelmegen bolar. Sondyqtan, boksshylar rıngge qadam basqan soń ózderi oılaǵandaı áreket jasaıdy. Men onyń «Kanelomen» bokstasqanyn kórgim keldi. Eger Saýl rıngtiń ortasynda júrse, dál sol jerde judyryqtasýy kerek edi. Gennadıı óz yńǵaıyna qaraı áreket jasaýdy durys dep tapty jáne ol jaqsy jumys jasady», - dedi Sanches.