Golovkınniń bapkeri «Kanelomen» jekpe-jek qalaı aıaqtalatynyn boljady
21:18, 29 Mamyr 2019
NUR-SULTAN. QazAqparat - Gennadıı Golovkınniń bapkeri Djonaton Benks orta salmaqtaǵy álem chempıony meksıkalyq Saýl Alvarespen ótýi múmkin úshinshi jekpe-jekten ne kútetinin aıtty, dep habarlaıdy QazAqparat Sports.kz saıtyna silteme jasap.
GGG men «Kanelo» qyrkúıek aıynda qaıtadan jekpe-jekke shyǵýy múmkin. Oǵan deıin Golovkın 8 maýsym kúni Nıý-Iorktegi «Madison Square Garden» arenasynda kanadalyq Stıv Rollspen kezdesedi.
«Men bul aıqasty (Alvarespen) taǵatsyzdana kútip júrmin. Bul múlde basqa jekpe-jek bolady. Biz bar yntamyzben 12 raýndtyq aıqasqa daıyndalyp jatyrmyz jáne nokaýtpen jeńýge árkez qýanyshtymyz. Sol sebepti nokaýt kútemin», - dedi Benks Fight Hub TV-ge bergen suhbatynda.