Golovkınniń bapkeri Alvarestiń taza nokaýtqa túsetinin aıtty

ASTANA. QazAqparat - Qazaqstandyq boksshy Gennadıı Golovkınniń bapkeri Abel Senches meksıkalyq Saýl Alvarespen bolatyn revanshqa qatysty pikir bildirdi, dep habarlaıdy QazAqparat Sports.kz. saıtyna silteme jasap.

«Kanelo» birinshi kezdesýde judyryqtasqan joq, ol ekinshi kezdesýde de olaı ete almaıdy. Óıtkeni sol kezde onyń judyryqtasqannan qashyp júrgeni kóp boldy. Eger myqty soqqy jumsaı bilmeseń jeńe almaısyń. Eger «Kanelo» osy joly da qashyp júretin bolsa, Golovkın ony nokaýtqa túsirý úshin qoldan kelgenniń bárin isteıdi. Gennadıı ony taza nokaýtqa jiberedi, óıtkeni ol dopıng qabyldamaıdy. Biz bul joly jyldam qımyldap, qarsylastyń dene múshelerine kóbirek soqqy jasaımyz»,-dedi Abel Sanches.

Revansh 5 mamyrǵa josparlanǵan, ol las-Vegastaǵy T-Mobile Arena-da ótedi.

Kanelonyń promoýterlik kompanııasy Golden Boy Promotions qazaqstandyq boksshy Gennadıı Golovkınmen kezdesýdiń aldynda Alvaresten alynǵan synamalardan Klenbýteroldyń tabylǵandyǵyn jarııalady. Keshirek Gennadıı Golovkın Alvarestiń synamalarynan tyıym salynǵan preparattardyń tabylýyna alańdaýshylyq bildirdi. Alvaresten sońǵy ret alynǵan eki synamada mundaı preparattar tabylmady.