Golovkınniń aıqasyn kórýge bılet satqan Qaraǵandynyń Boks ortalyǵy aqshany qaıtarýda
Buǵan deıin, 17 qyrkúıek kúni AQSh-tyń Las-Vegas qalasynda ótetin Golovkın-Alvares aıqasy S. Sápıev atyndaǵy Boks ortalyǵynda kórsetiletindigi jáne oǵan kirý aqyly bolatyndyǵy habarlanǵan edi . Bıletter quny 500 ben 3 000 teńge aralyǵynda belgilengen-di.
Qaraǵandy oblysy ákimdiginiń baspasóz qyzmetinen málim etkendeı, bılet satyp alǵandardyń barlyǵyna aqshalary qaıtarylyp, Boks ortalyǵynda jekpe-jek tegin kórsetiletin bolady. «Mundaı sheshim Qaraǵandy qalasynyń Іshki ister basqarmasyna «Qazaqstan» jáne «Qazsport» arnalarynan shaǵym túsken soń qabyldandy. Sebebi jekpe-jekti aqyly túrde kórsetýge tek olardyń ǵana quqy bar», - dep atap ótti baspasóz qyzmetinen.
Eske salaıyq, qaraǵandylyqtar óz jerlesteriniń jekpe-jegin qalanyń ár jerinde ornatylǵan úlken LED-ekrandardan tamashalaı alady. Tikeleı translıatsııalar úsh jerde - Kenshiler mádenıet saraıynyń aldyndaǵy alańda, Jańa Maıqudyq shaǵynaýdanyndaǵy Mádenıet úıiniń aldynda jáne Dostyq úıiniń aldynda uıymdastyrylady.