Golovkınniń aıqasy 2022 jyldyń úzdik bes jekpe-jegine kirdi

ASTANA. QazAqparat – DAZN strımıng platformasy 2022 jyly ózderiniń servısinde kórsetilgen úzdik bes kásibı boks aıqasynyń vıdeosyn jarııalady, dep habarlaıdy QazAqparat Sports.kz-ke silteme jasap.

Olardyń tizimine 9 sáýirde Saıtamda (Japonııa) ótken Gennadıı Golovkın - Rıota Mýrata WBA Super, IBF jáne IBO tujyrymdary boıynsha orta salmaqtaǵy álem chempıony tıtýly úshin aıqasy engen. Bul jekpe-jekte Golovkın toǵyzynshy raýndta jeńgen bolatyn.Sondaı-aq, bul vıdeoǵa myna jekpe-jekter endi: Lı Výd — Maıkl Konlan, Ketı Teılor — Amanda Serrano, Saýl «Kanelo» Alvares — Dmıtrıı Bıvol jáne Hýan Fransısko Estrada — Roman Gonsales.
2022 jyly Gennadıı Golovkın eki aıqas ótkizdi. Mýratamen aıqastan keıin «Kanelomen» trılogııany jaýyp, tóreshilerdiń biraýyz sheshimimen ese jiberdi.

Foto: sports.kz