Golovkınniń aldaǵy yqtımal jekpe-jegi týraly kelissózder bastaldy

NUR-SULTAN. QazAqparat - Golden Boy Promotions promoýterlik kompanııasynyń prezıdenti Erık Gomes orta salmaqtaǵy álemniń eks-chempıony, meksıkalyq Haıme Mýngııa men (38-0, 30 KO) ortasha sanattaǵy IBF jáne IBO tıtýldarynyń qazirgi ıegeri Gennadıı Golovkın (41-1-1, 36 KO) arasynda ótýi múmkin jekpe-jek týraly aıtty, dep habarlaıdy QazAqparat Sports.kz-ke silteme jasap.

Erık Gomes aıtýynsha, Haıme rıngti GGG-men bólisýge asyq, biraq sońǵy sózdi qazaqstandyq boksshy aıtady.

«Mýngııanyń armany - Golovkın. Biz aldyn ala kelissózder júrgizdik jáne jekpe-jekti ótkize alatynymyzdy boljap otyrmyz. Barlyǵy Golovkınge baılanysty – ol muny qalaı ma, qalamaı ma», – dep keltiredi EveryBoxing Twitter akkaýnty Gomestiń sózin.
Eske sala keteıik, Golovkın kelesi jekpe-jegin 2022 jyldyń kókteminde ótkizýdi josparlap otyr, qarsylasy WBA Super álem chempıony Rıota Mýrata bolmaq.

Al Mýngııaǵa keletin bolsaq, onyń rıngke oralý josparlary áli naqty anyqtalǵan joq.