Golovkınnen burynǵy jyldamdyǵyn kórmedim - meksıkalyq boksshy

ASTANA. QazAqparat - Boks ańyzy meksıkalyq kishi Hýlıo Sezar Chaves qazaqstandyq boksshy Gennadıı Golovkın men meksıkalyq Saýl Alvares arasyndaǵy aıqasqa pikir bildirdi, dep jazady Sports.kz.

«Iá, «Kanelonyń» meksıkalyq stıli bar, sebebi ol aıaǵynda nyq turý úshin jáne Golovkınmen judyryq almasý úshin qajet kezde qozǵalysyn toqtata bildi. GGG-ge qarap, onyń burynǵy jekpe-jekterindegi jyldamdyq pen kúsh-qýatty kórmedim. «Meksıkalyq stıl» qaıda?» - dep keltiredi Boxingscene.com kishi Chavestiń sózin.

16 qyrkúıekte Las-Vegastaǵy Golovkın - «Kanelo» aıqasynyń teń nátıjesinen keıin, taraptar 2018 jyldyń mamyr aıynda bolýy múmkin revansh-aıqas týraly kelisim júrgizip jatyr.