Golovkınmen aıqastan jaltarǵan Djeıkobs óz otanynda synnyń astynda qaldy
11:53, 01 Qarasha 2018
ASTANA. QazAqparat - Boxingnews24.com tanymal amerıkalyq saıtynyń jýrnalısi Djım Doýer Denıel Djeıkobstyń qazaqstandyq boksshy Gennadıı Golovkınmen ázirge revansh ótkizgisi kelmeıtini týraly aıtqan sózine qatysty pikir bildirdi, dep habarlaıdy Sports.kz.
«Djeıkobs Golovkınmen revansh ótkizýge qyzyǵýshylyq tanytpaıtynyn málimdep, qatelikke uryndy. Eger ol «Kanelomen» aıqasty uıymdastyra almasa, onyń orta salmaqtaǵy ózge jekpe-jekke shyǵýǵa esh múmkindigi qalmaıdy», - dep esepteıdi AQSh-taǵy tanymal sholýshy.
Eske salaıyq, Golovkın men Djeıkobs byltyr naýryzda kezdesti. Tóreshilerdiń sheshimimen jeńis qazaqstandyqqa buıyrǵan bolatyn.