Golovkınge arnalǵan derekti fılmniń vıdeosy jarııalandy

ASTANA. QazAqparat -This Is Boxing Productions Youtube-arnasynda orta salmaqtaǵy WBA Super, WBC, IBF jáne IBO tujyrymdary boıynsha álem chempıony Gennadıı Golovkınge arnalǵan vıdeo jarııalandy, dep jazady Sports.kz.

Onda munyń tusaýkeseri 16 maýsymǵa josparlanyp otyrǵan qazaqstandyq boksshy jaıyndaǵy ekinshi treıler ekendigi aıtylady.

Eshqashan jeńilip kórmegen Golovkın  sońǵy aıqasyn 5 mamyrda Karsonda (Kalıfornııa shtaty, AQSh) ótkizip, ekinshi raýndta amerıkalyq Vanes Martırosıandy (36-4-1, 21 KO) nokaýdqa túsirgen edi.

Qazir GGG komandasy Saýl Alvarespen (49-1-2, 34 KO) ekinshi jekpe-jek ótkizý jóninde kelisim júrgizip jatyr. Degenmen qarjyǵa baılanysty máseleler sheshilmeı otyr. Golovkın tabysty teńdeı - 50/50-ge, al «Kanelo» óz paıdasyna 65/35-ke bólýdi surap otyr.

Golovkın men «Kanelonyń alǵashqy aıqasy 2017 jyly 16 qyrkúıekte  Las-Vegasta (Nevada shtaty, AQSh) ótip, teń jaǵdaıda aıaqtalǵan edi. Biraq kópshilik tóreshiler Gennadııden taza jeńisti urlap aldy degen pikirde.