Golovkınge Alvaresti nokaýtpen jeńý kerek - Den Embroýz

ASTANA. QazAqparat - Gennadıı Golovkın meksıkalyq boksshy Saýl Alvaresti nokaýtpen jeńse, kásibı bokstyń shyńyna shyǵa alady. 

Mundaı pikirdi Boxingnews24.com saıtynyń jýrnalısi Den Embroýz bildirdi, dep xabarlaıdy QazAqparat tilshisi.

"Eger Golovkın Alvaresti nokaýtpen jeńse, onda ol bokstyń shyńyna kóteriledi. Bálkim, PPV (pound-for-pound) reıtıngisinde birinshi orynǵa shyǵa alady. Bul jekpe-jekte nokaýt Golovkınge úlken ataq-dańk ákeledi. Sebebi osy ýaqytqa deıin "sarybas" meksıkalyq juldyzdy áli eshkim nokaýtqa jibergen emes. Golovkın taza nokaýtpen jeńse, boks áleminde úlken ózgerister bolady. Budan bólek, Golden Boy úshin "Alvaresti revansha shyǵaraıyq pa, joq pa?" degen úlken dıllema týyndaıdy. Sebebi Saýl taǵy nokaýt alsa, onyń búkil sporttyq mansaby nokaýt alǵandaı bolady. Ol PPV juldyzy ataǵynan da aıyrylady", - dep jazdy Embroýz.

Onyń oıynsha, Alvarestiń kúl-talqanyn shyǵarǵannan keıin Golovkın sońǵy belbeýdi alsa, absolıýtti chempıon ári kásibı bokstyń jarqyn juldyzyna aınalady.

Aıta keteıik, buǵan deıin WBO tujyrymy boıynsha orta salmaqtaǵy álem chempıony Bıllı Djo Sonderstiń (24-0, 12 KO) promoýteri Frenk Ýorren de Golovkın- Alvares jekpe-jeginiń jeńimpazy sońǵy belbeýdi alýǵa tyrysatyny jaıynda aıtqan.

Aǵymdaǵy jyly 16 qyrkúıekte ótetin atalǵan jekpe-jekke jankúıerlerdiń rekordtyq sany keletini boljanýda.