Golovkındi jeńsem kópshilikti moıyndatar edim - Sonders
10:42, 22 Jeltoqsan 2017
ASTANA. QazAqparat - WBO tujyrymy boıynsha orta salmaqtaǵy álem chempıony brıtandyq Bıllı Djo Sonders Gennadıı Golovkın - Saýl Alvares jubynan ózi judyryqtasqysy keletin bylǵary qolǵap sheberin atady, dep habarlaıdy Sports.kz.
«Kanelo» ekeýmiz qurdaspyz, biraq ekeýiniń ishinen Golovkınmen kezdeskim keledi. Sebebi dál qazir Golovkın eshkim jeńe almaǵan boksshy sanalady. «Kanelony» emes, Golovkındi jeńsem, kópshilikti moıyndatar edim. Biraq, men kez kelgenimen aıqasýǵa 100% daıynmyn», - dedi Sonders Londonda ótken baspasóz máslıhatynda.
Eske salaıyq, Sonders Davıd Lememen jekpe-jekke shyqpaı turyp uıymdastyrý jaǵynan Alvarespen judyryqtasýdyń ońaı ári jeńil ekenin aıtqan bolatyn.