Golovkındi jeńe alatyn boksshynyń esimi ataldy

ASTANA. QazAqparat - Boxingnews24.com jýrnalısi Haıme Ortega Gennadıı Golovkındi (37-0, 33 KO) jeńýge qabiletti jalǵyz boksshy Andre Ýord (31-0, 15 KO) dep esepteıdi, dep habarlaıdy Sports.kz.

«Meniń oıymsha, Golovkındi jeńe alatyn jalǵyz boksshy - Andre Ýord. Ýordtyń ózine qazaqstandyqty jeńý ońaıǵa soqpaıdy, sebebi onyń taımıngi men kúshi myqty. Djeıkobs Golovkındi utý úshin jyldamdyq pen agressııany qoldanbaqshy boldy, biraq onyń soqqylary dál tımedi jáne onyń kóptegen panchtary qolǵapqa tıdi. Ýordtyń soqqylary aıqyn, biraq Djeıkobsqa qaraǵanda anaǵurlym baıaý, kúshi men agressııasy az. Eger Ýord bul aıqastyń favorıti bolsa da, ol áli aıqyn emes. Sergeı Kovalev ta - jaqsy nokaýtshy, biraq ol Golovkınge jete almaıdy», - dep jazdy Ortega.

Golovkınniń yqtımal qarsylastary týraly sóz qozǵalǵanda, kóbisi Ýordty ataıdy. Alaıda, olardyń jekpe-jeginiń jaqyn ýaqytta bolýy ekitalaı. Sebebi, qazir qazaqstandyq boksshyny Bıllı Djo Sonderspen (24-0, 12 KO) jáne Saýl Alvares «Kanelomen» (48-1-1, 34 KO) ótetin aıqas kútip tur.