Golovkındi qazirgi kúnniń Maık Taısony dep atady

ASTANA. QazAqparat - Jartylaı jeńil salmaqtaǵy burynǵy álem chempıony amerıkalyq Kevın Kellı Gennadıı Golovkın men Vanes Martırosıan jekpe-jeginiń nátıjesi boıynsha óz pikirin bildirdi, dep jazady Sports.kz.

GGG men Martırosıannyń aıqasy  5 mamyrda ótti (Qazaqstan úshin 6 mamyr kúni tańerteń) jáne ekinshi raýndta Gennadııdiń jeńisimen aıaqtaldy.

«Bul óte jaqsy jekpe-jek boldy. Golovkın Lememen aıqastan keıin nokaýtpen jeńip kórgen joq. Sol boks keshi jalpy boks úshin tamasha boldy, sebebi adamdar sátti nokaýtty kórdi. GGG - qazirgi kúnniń Maık Taısony. Ol rıngke shyqqan sátte, qýanyshqa bólenip, keremet dúnıeni kútip otyrasyń. Vanes jekpe-jektiń burys josparyn tańdap aldy dep eseptemeımin. Basymdyqty ıgerý úshin jyldamdyq qajet. Ol jaı ǵana soqqy almasyp júrip, qapy qaldy», - dep jaýap berdi Kellı Behind the Gloves-qa bergen suhbatynda.