Golovkındi IBF tıtýlynan aıyrý máselesi kelesi aptada sheshiledi

ASTANA. QazAqparat - ESPN jýrnalısi Den Rafael Halyqaralyq boks federatsııasynyń (IBF) qazaqstandyq boksshy Gennadıı Golovkındi osy tujyrymnyń tıtýlynan aıyrý ne aıyrmaý máselesi boıynsha ótken tyńdalym týraly aıtty, dep habarlaıdy Sports.kz.

Eske sala keteıik, qazaqstandyq boksshy Gennadıı Golovkın (38-0-1, 34 KO) Saýl Alvarespen revansh ótkize almaıtyn bolǵan soń, IBF beldigin ýkraınalyq Sergeı Derevıanchenkodan (12-0, 10 KO) mindetti túrde qorǵaýy qajet edi.

«IBF tyńdalymy tórt jarym saǵattan astam ýaqytqa sozyldy. Oǵan: eki boksshy, GGG bapkeri Abel Sanches, GGG promoýteri Tom Leffler, GGG advokattary - Pet Inglısh pen Ron DıNıkola, Derevıanchenkonyń promoýteri Lý DıBella, menedjeri Kıt Konnolı jáne advokaty Aleks Dombroff qatysty. Eki tarap ta osy másele jónindegi ózderiniń ustanymyn aıtyp, IBF komıssııasynyń úsh múshesiniń suraqtaryna jaýap berdi. Sheshim kelesi aptada shyǵarylady», - dep jazady Rafael.