Golovkın jekpe-jekke shyǵatyn kúnin atady

ASTANA. QazAqparat - Orta salmaqta WBA Super, WBC, IBF jáne IBO nusqalary boıynsha álem chempıony Gennadıı Golovkın (37-0-1, 33 KO) óziniń  Saýl Alvarespen (49-1-2, 34 KO) rematchynyń bolmaıtyndyǵyna qaramastan 5 mamyrda aıqasatyn boldy, dep habarlaıdy Sports.kz.

«Men ózimniń tıtýlymdy Las-Vegasta «Sınko de maıoda» qorǵaımyn. Resmı habarlama jýyrda bolady!», -dep jazdy Golovkın tvıtterde.

Nevada shtatynyń Atletıkalyq komıssııasy «Kanelo» isi jóninde ázirshe sheshim shyǵarmaǵanymen onyń komandasy 5 mamyrda rematch ótkizýden bas tartty. Bul jekpe-jek týraly resmı  jarııa etildi.  

 Golovkın bolsa, ol T-Mobile Arenada emes,  ózge - MGM Grand Garden arenasynda bolatyn aıqasty kútýde.

Onyń qarsylastarynyń tiziminde  Hılberto Ramıres (37-0, 25 KO) jáne Hýlıo Sesar kishi Chaves (50-3-1, 32 KO), Gerı O'Sallıvan (27-2, 19 KO), Demetrıýs Andrade (25-0, 16 KO) jáne Sergeı Derevıanchenko (12-0, 10 KO) bar.