Golovkın japon boksshysy Rıota Mýratamen jekpe-jek ótkizýi múmkin

NUR-SULTAN. QazAqparat – Meksıkalyq boksshy Haıme Mýngııanyń (36-0, 29 KO) promoýteri Fernando Beltran Fino Boxing-ke bergen suhbatynda qazaqstandyq Gennadıı Golovkınniń (41-1-1, 36 KO) ázirge óz klıentimen kúreskisi kelmeıtinin aıtty, dep habarlaıdy QazAqparat Sports.kz-ke silteme jasap.

Beltrannyń aıtýynsha, Golovkın WBA Super nusqasy boıynsha orta salmaqtaǵy álem chempıony – japon boksshysy Rıota Mýrataǵa (16-2, 13 KO) qarsy jekpe-jegin ótkizýdi josparlap otyr.

«Golovkın japon boksshysyn qarsylasy etip tańdady. Ol – chempıon, sondyqtan bunyń da róli zor. Onyń tańdaýyn qurmetteımin», – dedi Beltran.