Golovkın WorldBoxingNews reıtınginiń birinshi ornynda qaldy

ASTANA. QazAqparat - WorldBoxingNews.net saıty álem boksshylarynyń salmaq sanatynan tys reıtıngin (pound-for-pound) jarııalady, dep habarlaıdy QazAqparat Sports.kz.  saıtyna silteme jasap.

Vasılıı Lomachenko (10-1, 8 KO) - Gılermo Rıgondo (17-1, 11 KO) aıqasynda ýkraınalyq boksshynyń jeńisi Gennadıı Golovkındi (37-0-1, 33 KO) birinshi orynnan yǵystyra almady.

Saıttyń jazýynsha, Golovkın P4P-reıtınginiń bıik shyńynda qaldy. «Vasılıı Lomachenkonyń Gılermo Rıgondony jeńýinde salmaqtaǵy aıyrmashylyq nazarǵa alyndy. Sondyqtan, oǵan joǵary kóterilýge bul jetkiliksiz boldy», - delingen saıtta.

World Boxing News reıtınginiń TOP-ondyǵy:
1. Gennadıı Golovkın (37-0-1, 33 KO)
2. Vasılıı Lomachenko (10-1, 8 KO)
3. Terens Kroýford (32-0, 23 KO)
4. Saýl Alvares (49-1-2, 34 KO)
5. Maıkı Garsııa (37-0, 30 KO)
6. Naoıa Inoýe (14-0, 12 KO)
7. Kıt Týrman (28-0, 22 KO)
8. Horhe Lınares (43-3, 27 KO)
9. Hýan Fransısko Estrada (36-2, 25 KO)
10. Vısaksıl Vangek (44-4-1, 40 KO).