Golovkın World Boxing uıymy ótkizip otyrǵan tuńǵysh álem chempıonatynyń ashylýyna qatysty

<p>ASTANA. KAZINFORM -&nbsp;<strong>Qazaqstan Ulttyq Olımpıadalyq komıtetiniń prezıdenti Gennadıı Golovkın Pýeblodaǵy (AQSh) bokstan alǵash ret ótip jatqan U19 álem chempıonatynyń ashylý saltanatyna qatysty.&nbsp;</strong></p>

Ulttyq Olımpıadalyq komıtettiń málimetinshe, is-sharada sóz alǵan Gennadıı Golovkın álem birinshiliginiń mańyzyna toqtalyp, atalǵan doda sporttaǵy jańa daryndardyń juldyzyn jaǵýǵa kómektesetin alań ǵana emes, sonymen birge túrli elden kelgen jas boksshylardyń birligi men dostyǵynyń belgisine aınalatynyna senimdi ekenin jetkizdi.

Aıta ketelik, álem chempıonatynda 30 elden 180 sportshy qatysyp jatyr. Qazaqstan namysyn Erasyl Amanǵalıev (55 kelige deıingi salmaqta), Asylhan Kósherbaı (65 kelige deıingi salmaqta), Dıas Serikuly (70 kelige deıingi salmaqta), Danııal Raıymbekov (85 kelige deıingi salmaqta) qorǵaıdy. Alǵashqy bolyp rıngke Dıas Serikuly shyqty. Ol Aljır komandasynyń ókili Islam Dahlaldy jeńdi.

Eske salsaq, World Boxing – 2023 jyldyń sáýir aıynda qurylǵan Halyqaralyq boks federatsııasy. Bıylǵy jyldyń qyrkúıek aıynda Qazaqstan atalǵan uıymǵa kirý úshin ótinish berdi.

Buǵan deıin Gennadıı Golovkın World Boxing Olımpıadalyq komıssııanyń tóraǵasy qyzmetine taǵaıyndalǵan.