Golovkın WBA chempıonynan da jeńilýi múmkin be

ASTANA. QazAqparat - Boxingnews24.com jýrnalısi Logan Garsııanyń pikirinshe, qazaqstandyq boksshy Gennadıı Golovkın Saýl Alvaresten jeńilis tapqan jekpe-jektegi aıqasý tásilin qoldanatyn bolsa, taǵy da jeńiledi, dep habarlaıdy Sports.kz.

«Kanelo» Golovkınnen qý ári aılaly boldy, sol úshin jeńiske jetti. Meksıkalyq boksshy arnaıy jospar ázirledi, al oǵan GGG beıimdelmedi. Bul úshin bapker Abel Sanchesti, nemese Golovkınniń ózin kinálaý kerek. Eger Gennadıı bolashaqta daǵdylanyp, aıqasta qarsylasyna ilese almasa, orta salmaqtaǵy WBA «turaqty» chempıony Rob Brantpen jekpe-jekte de jeńiledi. Sanches taıaýda bergen suhbatynda onyń GGG-diń bolashaq qarsylasy bolýy múmkin ekenin aıtty. Eger Golovkın «Kanelomen» aıqasta qoldanǵan ádisin tańdasa, Branttan jeńiledi. Ol óz kezeginde 12 raýndta kóp soqqy bere alady. Qazan aıynda ol japondyq Rıota Mýrataǵa myńdaǵan soqqy berip, jeńgen edi», - dep málimdedi tanymal sholýshy.

Eske salaıyq, taıaýda Brant Golovkınniń bolashaq qarsylasy japondyq boksshy Rıota Mýrataǵa apset jasap, WBA tujyrymy boıynsha orta salmaqtaǵy «turaqty» chempıon atandy.