Golovkın uzaq ýaqyt rıngke shyǵa almaı qalýy múmkin

ASTANA.QazAqparat - Boxingscene.com Golovkınniń 5 mamyrdaǵy jekpe-jegi bolmaıtyn bolsa, qazaqstandyq boksshy uzaq ýaqyt rıngke shyǵa almaı qalýy múmkin ekendigin málim etti, dep habarlaıdy Sports.kz.

5 mamyrǵa josparlanǵan GGG-ge jekpe-jek qarsylas tabýdyń qıyndyǵyna baılanysty ótkizilmeı qalýy da múmkin. Basylym habarlaǵandaı, eger Golovkın mamyrda rıngke shyqpasa Alvarespen ótetin qarymta jekpe-jekke deıin sharshy alańǵa shyǵýy ekitalaı bolmaq.

Eger «Kanelo» rıngten 6 aıǵa shettetilse, bolýy múmkin revansh 15 qyrkúıekke, ıaǵnı Meksıkanyń Táýelsizdik kúnine jaqyndaıdy. Derekkózdiń málimetinshe, Alvarestiń ózi de qarymta jekpe-jekke deıin Golovkınniń basqa jarystarǵa qatysýyn qalamaıdy eken.

Alaıda, eger Alvarestiń dıskvalıfıkatsııa merzimi alty aıdan da uzaqqa sozylsa, Golovkın qarymtaǵa deıin basqa qarsylaspen qolǵap túıistirýi múmkin.