Golovkın tórt aıdyń ishinde Erıslendı Laramen jekpe-jekke shyǵýǵa tıis - WBA

ASTANA. QazAqparat - WBA nusqasy boıynsha orta salmaqtaǵy ýaqytsha álem chempıony Erıslendı Lara (29-3-2,17KO) WBA Super, IBF jáne IBO nusqalary boıynsha orta salmaqtaǵy álem chempıony qazaqstandyq Gennadıı Golovkınnyń (42-2-1, 37 KO) mindetti qarsylasy atandy, dep habarlaıdy QazAqparat Boxingscene resýrsyna silteme jasap.

Búkilálemdik boks qaýymdastyǵy (WBA) Golovkın-Alvares trılogııasyna ruqsat berip, qazaqstandyq jeńgen jaǵdaıda oǵan 5 kún ishinde sýper orta salmaqta qalý-qalmaý jóninde sheshim qabyldaýǵa ýaqyt berýge kelisken.

Sondaı-aq, eger Golovkın orta salmaqqa qaıta oralamyn dese, trıologııa nátıjesine qaramastan 120 kún ishinde Laramen judyryqtasýǵa mindettelgen.

Aıta keteıik, 18 qyrkúıek kúni Las-Vegastaǵy T-Mobile Arena stadıonynda ótken Gennadıı Golovkın men Saýl Alvares arasyndaǵy 12 raýndtyq boks jekpe-jegi tóreshilerdiń sheshimi boıynsha meksıkalyqtyń paıdasyna sheshildi.

Jekpe-jek aıaqtalǵannan keıin Gennadıı Golovkınn bokstan ketpeıtinin málimdedi.

«Árıne, meniń úlken josparlarym bar. Kózdep júrgen qarsylastarym kóp. «Kanelony» quttyqtaımyn jáne búkil boks jankúıerlerin quttyqtaımyn. Jigitter, esterińde bolsyn, meniń orta salmaqta úsh belbeýim bar. Men áli oralamyn. Áli de bolsa chempıonmyn»,- dedi Golovkın.

Foto: sports.kz