Golovkın sporttyq mansabyn qashan aıaqtaıtynyn aıtty
17:37, 03 Mamyr 2018
ASTANA. QazAqparat - Jeńilip kórmegen orta salmaqtaǵy qazaqstandyq boksshy Gennadıı Golovkın Power 106 radıosyna bergen suhbatynda sporttyq mansabyn aıaqtaıtyny týraly ázirge oılanbaǵanyn aıtty, dep habarlaıdy Sports.kz.
- Jeńilip kórmegen qalpy zeınetkerlikke shyqqyń keledi me?
- Bilmeımin, dál qazir óz babymdamyn. Men belsendimin, belsendi bolyp qalǵym keledi. Úsh-tórt nemese bes jyl bokstasatyn shyǵarmyn. Kim bilsin?! Ár jekpe-jektiń ózindik ereksheligi bar, - dep jaýap berdi Golovkın 106 radıosynyń The Cruz Show efırinde.
Eske salaıyq, 5 mamyr kúni Kalıfornııadaǵy StubHub Center arenasynda GGG amerıkalyq Vanes Martırosıanmen jekpe-jekke shyǵady.