Golovkın sporttan qashan ketetinin aıtty

ASTANA. QazAqparat - Qazaqstandyq boksshy Gennadıı Golovkın medıa-konferentsııada kásibı mansabyn shamamen qashan aıaqtaýy múmkin ekeni týraly suraqqa jaýap berdi, dep habarlaıdy Sports.kz.

«Dál qazir óz babymda ekenimdi sezinemin. 25 pen 35 jas arasyndaǵy aıyrmashylyq asa baıqalmaıdy. Men qazir de dál burynǵydaı kúnde jattyǵý jasaımyn. Sparrıngterim de dál burynǵydaı, jyldamdyq pen kúsh babynda da eshteńe joǵaltpaǵanmyn. Ózimdi týra 10 jyl burynǵydaı sezinemin. Jasym 35-te bolsa da, 25 jastaımyn. Іshteı «Kanelodan» da jas sezinetin shyǵarmyn.

Iá, 40-tarǵa deıin [aıaqtarmyn], áli bes jyl bar. Bul - boks. Mundaǵy árbir kún qıyn ári qaýipti. Al qazir ózimdi jap-jaqsy sezinemin. Bári oıdaǵydaı. Sondyqtan, múmkin, taǵy da bes jyl judyryqtasatyn shyǵarmyn», - dep atap ótti Gennadıı Golovkın.