Golovkın sońǵy 25 jyl ishindegi úzdik boksshylardyń qataryna kirdi

ASTANA. QazAqparat - Amerıkalyq rep oryndaýshysy jáne bokstyń jankúıeri Glasses Melonı qazaqstandyq Gennadıı Golovkınniń (38-1-1, 34 KO) tarıhta alatyn ornyna qatysty pikir bildirdi, dep habarlaıdy Sports.kz.

«Sońǵy 25 jyl ishindegi orta salmaqtaǵy boksshylardyń TOP-5 tizimi:

Roı Djons, Bernard Hopkıns, Gennadıı Golovkın, Djermeın Teılor, Serhıo Martınes», - dep jazdy Melonı Tvıtter paraqshasynda.

Sondaı-aq, ol Golovkındi úsh salmaq dárejesindegi álemniń eks-chempıonymen salystyryp: «GGG - qazirgi zamannyń Maık Makkalýmy»,- dedi.

Eske salaıyq, Gennadıı Golovkın IBF, WBA Super, WBC  jáne IBO nusqalary boıynsha orta salmaqtaǵy álem chempıony bolǵan edi. Alǵashqy tıtýlyn mindetti qorǵanystan bas tartqannan keıin Halyqaralyq boks federatsııasy alyp alsa, qalǵan úsh tıtýlynan boksshy Saýl Alvarespen (50-1-2, 34 KO) ótken rematchta aıyrylyp qaldy.