Golovkın Soltústik Irlandııany jeńgen ulttyq quramany quttyqtady

ASTANA. QazAqparat – Álemge áıgili qazaqstandyq kásipqoı boksshy Gennadıı Golovkın fýtboldan Eýropa chempıonatyna irikteý satysynda Soltústik Irlandııany jeńgen Qazaqstan quramasyn jeńisimen quttyqtady, dep habarlaıdy QazAqparat.

«Qazaqstan quramasyn jáne barlyq jerlesterimdi mańyzdy jeńispen quttyqtaımyn. Alǵa, Qazaqstan!», - dep jazdy boksshy Іnstagram-paraqshasynda.

Sondaı-aq ol stadıon trıbýnasynda Prezıdent Qasym-Jomart Toqaevpen matchty birge tamashalap otyrǵan sátinen foto jarııalady.

Qazaqstan – Soltústik Irlandııa matchy búgin, 10 qyrkúıek kúni elordadaǵy «Astana – Arena» stadıonynda ótti. G.Golovkın el quramasyna qoldaý bildirý úshin Nıý-Iorkten arnaıy ushyp kelgen bolatyn.

Oıyn 1:0 esebimen QR quramasynyń paıdasyna aıaqtaldy.

Matchtan keıin Memleket basshysy Q.Toqaev fýtbolshylardy arnaıy quttyqtap, kıiný bólmesine bardy.

Aıta keteıik, osy ýaqyttaǵy týrnır kestesindegi kórsetkish boıynsha Qazaqstan 2024 jylǵy Eýropa chempıonatyna irikteý satysynda 6 oıynnan keıin 12 upaımen ekinshi orynda tur.