Golovkın-Sheremeta jekpe-jegi ótetin ýaqyt belgili boldy

NUR-SULTAN. QazAqparat – 18 jeltoqsan kúni (Qazaqstanda – 19 jeltoqsan tańynda) Gollıvýdta (AQSh, Florıda shtaty) qazaqstandyq boksshy Gennadıı Golovkın (40-1-1, 35 KO) men Polsha boksshysy Kamıl Sheremeta (21-0, 5 KO) arasynda IBF jáne IBO nusqalary boıynsha orta salmaqtaǵy álem chempıonynyń tıtýly úshin jekpe-jek ótedi, dep habarlaıdy QazAqparat Sports.kz saıtyna silteme jasap.

DAZN strımıngtik platformasynyń resmı saıtyndaǵy aqparat boıynsha, Golovkın — Sheremeta jekpe-jegi senbi kúni, Nur-Sultan qalasynyń ýaqytymen tańǵy saǵat 07:00-de bastalady. Alaıda DAZN aıqastyń ótetin ýaqyty anderkard jekpe-jekteriniń uzaqtyǵyna baılanysty ózgerýi múmkin ekenin atap ótti.

Eske sala ketsek, bastapqyda bul aıqas aqpan aıynda ótýi tıis bolǵan, alaıda túrli sebeptermen, sonyń ishinde koronavırýs pandemııasyna baılanysty birneshe ret keıinge qaldyryldy.