Golovkın Sancheske syıǵa tartylǵan WBC beldigin kórsetti

ASTANA. QazAqparat - Búkilálemdik boks keńesi (WBC) tek Vanes Martırosıandy jeńgen qazaqstandyq boksshy Gennadıı Golovkındi ǵana marapattaǵan joq, dep habarlaıdy Sports.kz.

Buryn osy uıymnyń prezıdenti Maýrısıo Sýleıman aıtqandaı, Golovkınniń bapkeri Abel Sanches te marapattaldy. GGG Týıtterdegi paraqshasynda WBC beldigin ıyǵyna asynyp turǵan Sanchespen túsken sýretin jarııalady, al astyna qysqa da nusqa etip: «Bapker» dep jazdy.

Eske sala keteıik, Meksıkanyń «Sınko de maıo» merekesi kúni ótken jekpe-jekte Golovkın ekinshi raýndta Martırosıandy tereń nokaýtqa jiberip, orta salmaqtaǵy álem chempıony ataǵyn jıyrmasynshy ret sátti qorǵaǵan bolatyn. Budan tys, Golovkın WBC-diń arnaýly «Tseltaldar» beldigin de jeńip aldy. Ony Meksıkada turatyn tseltal úndisterinen shyqqan sheberler jasaǵan. Sonymen qatar qazaqstandyq bylǵary qolǵap sheberi WBA Super, WBC, IBF jáne IBO beldikterine de ıe.