Golovkın San-Antonıo qalasynda medıa-lanch ótkizip, jankúıerlerimen kezdesti (FOTO)

ASTANA. QazAqparat - Orta salmaqtaǵy WBA (Super), IBF, IBO jáne WBC (Interim) tujyrymdary boıynsha Álem chempıony, qazaqstandyq kásipqoı boksshy Gennadıı Golovkın AQSh-tyń San-Antonıo qalasynda baspasóz máslıhaty men medıa-lanch ótkizdi, dep habarlaıdy kazsport.kz sportshynyń VKontakte áleýmettik jelisindegi paraqshasyna silteme jasap.

Bul saparynda G.Golovkın amerıkalyq fýtboldan ótken «Dallas Kovboız» pen «Fıladelfııa Iglz» arasyndaǵy matchqa qatysty. «Dallas Kovboız» klýbynyń basshysy Djerrı Djons qazaqstandyq sportshyǵa onyń aty jazylǵan komandalyq jeıdeni syıǵa tartty. Sonymen qatar Gennadıı Golovkın óziniń jergilikti jankúıerlerimen kezdesti.