Golovkın-Rolls aıqasynyń anderkartynda Álı Ahmedov sharshy alańǵa shyǵady

NUR-SULTAN. QazAqparat - Jeńilip kórmegen qazaqstandyq kásipqoı boksshy Álı Ahmedov (14-0, 10KO) 8 maýsymda Nıý-Iorkte ótetin Gennadıı Golovkın (38-1-1, 34KO) - Stıv Rolls (19-0, 10KO) aıqasynyń anderkartynda rıngke shyǵady, dep habarlaıdy QazAqparat tilshisi.

Bul týraly Qazaqstan kásipqoı boks federatsııasynyń VKontakte paraqshasynda jazyldy.

«Ahmedovtyń aıqasy BoxRec.com saıtynyń profılinde tirkeldi. Qazaqstandyqtyń qarsylasynyń kim bolary áli belgisiz. Álı - GGG Promotions promoýterlik kompanııasynyń klıenti ekenin atap ótkim keledi», - delingen habarlamada.

Sonymen birge, Golovkın-Rolls aıqasynyń anderkartynda orta salmaqtaǵy amerıkalyq Braıan Sebalo (8-0, 4KO) pen jeńil salmaqtaǵy Marıo Ramos (8-0, 7KO) óner kórsetedi. Olardyń da qarsylastary aldaǵy ýaqytta belgili bolady.

Boks shoýy «Medıson Skver Garden» arenasynda ótkiziledi. Qazaqstandyq boksshy 8 maýsymda Nıý-Iorktegi (AQSh) Madison Square Garden arenasynda 35 jastaǵy kanadalyq boksshy Stıv Rollspen (19-0, 10 KO) kezdesetinin buǵan deıin jazǵan edik.

Stıv Rolls kásibı boksqa 2011 jyly aýysyp, ekinshi orta salmaqta (76,2 keli) óner kórsete bastady. Jekpe-jekterdiń basym bóligin óz elinde ótkizgen. Alty ret AQSh-ta judyryqtasty. S.Rolls osy ýaqytqa deıin birde-bir ret jeńilmegen. 19 jekpe-jekti 10 ret nokaýtpen aıaqtaǵan.