Golovkın-Rolls aıqasyn elordadaǵy barlyq saılaý ýchaskelerinen tamashalaýǵa bolady

NUR-SULTAN. QazAqparat - Elordadaǵy barlyq saılaý ýchaskelerinde 9 maýsymda ótetin Golovkın-Rolls aıqasyn tamashalaýǵa bolatyn arnaıy oryn ázirlenetin boldy, dep habarlaıdy QazAqparat tilshisi.

«Ózderińiz biletindeı, 9 maýsym kúni Prezıdent saılaýymen tuspa-tus saǵat 07.00-10.00 aralyǵynda kásipqoı boksshy Gennadıı Golovkınniń jekpe-jegi ótedi. Osyǵan baılanysty biz barlyq saılaý ýchaskelerinde atalmysh aıqasty tikeleı efırden kórsetý úshin daýys berý zalynan tys oryn daıyndalady», - dep habarlaıdy Nur-Sultan qalalyq ákimdiginen.

Aıta ketsek, Gennadıı Golovkın kelesi jekpe-jegin 8 maýsym kúni Nıý-Iorktegi (Qazaqstan boıynsha 9 maýsym) «Medıson Skver Garden» arenasynda kanadalyq Stıv Rollsqa (19-0, 10 KO) qarsy ótkizedi.

Brıtanııanyń The Sun basylymynyń habarlaýynsha, basty oqıǵa jergilikti ýaqytpen tańǵy saǵat 4-00-der shamasynda bastalady. Osyǵan qarap, Golovkın-Rolls jekpe-jegi Nur-Sultan ýaqytymen 9 maýsym, jeksenbi kúni shamamen 09:00-de bastalady deýge bolady. Osy jekpe-jektiń anderkartyndaǵy kezdesýler alty saǵat buryn bastalady.