Golovkın revanshtyń bolmaı qalý yqtımaldyǵyna pikir bildirdi

ASTANA. QazAqparat - Qazaqstandyq boksshy Gennadıı Golovkın (37-0-1, 33 KO) 5 mamyrǵa josparlanǵan revanshqa qatysty pikir bildirdi, dep jazady Sports.kz.

«Men 5 mamyrda rıngke shyǵýǵa daıynmyn. Qarsylasym «Kanelo» nemese «Kanelo» emes». Bul Golovkınniń Alvarestiń dopıng daýyna qatysty aıtqan sózi», - dep jazady HBO sarapshysy Rıkardo Selıs óziniń Tvıtterdegi paraqshasynda. Rıkardo Selıs qazaqstandyq boksshymen «Andre Gıgant» fılminiń tusaýkeserinde suhbattasqan edi.

Eske sala ketsek, Saýl Alvares Nevada shtaty Atletıkalyq komıssııasynyń (NSAC) sheshimimen ýaqytsha sporttan shettetilgen edi. 

Naýryz aıynyń basynda Saýl Alvaresten alynǵan dopıng-synamalardyń birinen tyıym salynǵan preparat tabyldy. Onyń múddesin qorǵaıtyn Golden Boy promoýterlik kompanııasy boksshynyń qan quramynan tyıym salynǵan preparat - Klenbýterol tabylǵany týraly aqparatty rastady.

Golovkın men Alvarestiń revanshy aǵymdaǵy jyldyń 5 mamyryna josparlanǵan.