Golovkın revansh týraly aıtsa, jeńisine senimdi bolǵany - AQSh jýrnalısteri

ASTANA. QazAqparat - WBA, WBC, IBF jáne IBO tujyrymdary boıynsha álem chempıony Gennadıı Golovkın meksıkalyq boksshy Saýl Alvareske qarsy jekpe-jekten keıin revanshtyń bolatynyn aıtyp qaldy, dep xabarlaıdy QazAqparat tilshisi.

"Bul jekpe-jek dramaǵa toly bolady. Qazirgi kezde ol kásibı bokstaǵy eń úlken jekpe-jek bolyp sanalady. Bálkim, soǵan jaqyn bolady. Eger birinshi jekpe-jegimiz eń úlken aıqasqa jaqyn bolsa, onda ekinshisi odan da úlken, odan da mańyzdy bolady. "Kanelo" ekeýimizdiń stıli bir-birine uqsamaıdy. Sondyqtan fanattardy úlken syı kútip tur", - dedi Golovkın Ring TV arnasyna bergen suxbatynda.

Osy oraıda AQSh jýrnalısteri "Gennadıı Golovkınniń óz jeńisine aldyn ala boljam jasap jatyr" degen oıdyń ushyn shyǵardy. Sebebi Golovkın men Alvares arasyndaǵy kelisimshartqa sáıkes, revanshty alý quqyǵy tek meksıkalyq boksshyǵa ǵana berilip otyr. Bul degenimiz, "Kanelo" utylsa, revanshty talap ete alady. Golovkın oǵan kelisýge mindet. Al GGG-diń ózi utylsa, revanshty talap ete almaıdy. Ondaıda Alvares sheshimdi ózi qabyldaıdy.

Aıta keteıik, buǵan deıin meksıkalyq boksshy Saýl «Kanelo» Alvarestiń promoýteri Oskar De La Hoııa da GGG-ge qarsy aldaǵy jekpe-jekti bir ret emes, eki ret revanshpen qaıta ótkizýge bolatynyn aıtqan.

Al amerıkalyq bapker Robert Garsııanyń aıtýynsha, Golovkın-Alvares trılogııasynan keıin GGG qyrýar tabyspen zeınetke shyqsa da bolady .