Golovkın resmı túrde WBA nusqasy boıynsha álem chempıony tıtýlynan bas tartty

ASTANA. QazAqparat – Gennadıı Golovkınniń komandasy boksshynyń endi orta salmaqtaǵy álemniń «sýperchempıony» emes ekenin habarlady, Dúnıejúzilik boks qaýymdastyǵy (WBA) bul aqparatty rastady, dep habarlaıdy QazAqparat Sports.kz portalyna silteme jasap.

13 naýryzda Gennadııdiń álemniń «qarapaıym» chempıony kýbalyq Erıslandı Laramen mindetti jekpe-jegine qatysty promoýterlik bás saýda bolýy kerek edi, biraq búgin Golovkın belbeýdi bosatý týraly sheshim qabyldaǵany belgili boldy.«Gennadıı Golovkın resmı túrde álem chempıony tıtýlyn bosatty, endi WBA chempıondyq komıteti bekitken mindetti aıqasqa qatyspaıdy. Endi WBA nusqasy boıynsha orta salmaqta bir ǵana chempıon bar, ol – kýbalyq Erıslandı Lara», - delingen qaýymdastyq málimdemesinde.

Ótken aıda Gennadıı Golovkın IBF nusqasy boıynsha da chempıon tıtýlynan bas tartqan bolatyn. Osylaısha, GGG-de negizgi chempıondyq belbeýlerdiń eshqaısysy joq. Onda tek IBO-nyń ekinshi dárejeli tıtýly ǵana qaldy.