Golovkın óz jankúıerlerin ashyq jattyǵýǵa shaqyrdy

ASTANA. QazAqparat - WBA/IBF/WBC/IBO tujyrymdary boıynsha orta salmaq dárejesindegi álem chempıony Gennadıı Golovkın bokssúıer qaýymdy Saýl Alvarespen jekpe-jegi aldyndaǵy ashyq jattyǵýdy tamashalaýǵa shaqyrdy, dep habarlaıdy QazAqparat Sports.kz saıtyna silteme jasap.

«Bizge qosylyńdar, dostar! 28 tamyz kúni LA Live-te GGG men «Kanelonyń» ashyq jattyǵýy ótedi. Kórermenderdiń kelýi - 10:30, jattyǵýlardyń bastalýy 12:00-de. Kirý tegin», - dep jazdy Gennadıı Instagramda.

Eske salaıyq, 16 qyrkúıekte Gennadıı Golovkın meksıkalyq boksshy Saýl Alvarespen judyryqtasady. Osy jekpe-jekte Alvares GGG-diń tek eki ataǵy - WBA men IBF belbeýleri úshin ǵana talasady. Golovkın utylyp qalsa, onyń taǵy eki belbeýi - WBC men IBO bos qalyp, ony basqa boksshylar ózara sarapqa salady. Al qazaqstandyq boksshy jeńiske jetse, tórt belbeýine taǵy The Ring jýrnalynyń arnaıy belbeýin qosyp alady. Atalǵan basylym ony arnaıy Alvares úshin shyǵarǵan bolatyn. Ýaqyt aıyrmashylyǵyna baılanysty Qazaqstanda jekpe-jektiń tikeleı kórsetilimi 17 qyrkúıekte tańerteń bolady.