Golovkın - onjyldyqtyń úzdik boksshylary qatarynda
05:25, 28 Jeltoqsan 2019
NUR-SULTAN. QazAqparat – Tanymal amerıkalyq Yahoo! Sports basylymy sońǵy onjyldyqtaǵy úzdik boksshylar tizimin jarııalady, dep habarlaıdy Sports.kz.
Olardyń ishinde orta salmaqtaǵy IBF jáne IBO chempıony tıtýldarynyń ıegeri qazaqstandyq boksshy Gennadıı Golovkın de bar. Ony jetinshi orynǵa qoıǵan.
Buǵan deıin 37 jastaǵy qazaqstandyq WBC jáne WBA Super nusqalarynyń chempıony bolǵan edi.
Sońǵy onjyldyqtyń qorytyndysy boıynsha kishi Floıd Meıvezer eń úzdik boksshy ataldy.
Ekinshi orynda Andre Ýord, al úshinshi bolyp Vasılıı Lomachenko jaıǵasty.
Sondaı-aq TOP-10-ǵa Saýl Alvares, Terens Kroýford, Roman Gonsales, Mennı Pakıao, Naoıa Inoýe jáne Aleksandr Ýsık kirip otyr.