Golovkın Mýratamen jekpe-jekke shyǵýy múmkin

ASTANA. QazAqparat - Gennadıı Golovkınniń (38-1-1, 34 KO) promoýteri Tom Leffler men WBA tujyrymdamasy boıynsha «turaqty» álem chempıony Rıota Mýratanyń (14-1, 11 KO) promoýteri Bob Arým boksshylardyń Japonııada kezdesýin uıymdastyrýǵa áli de úmitti, dep habarlaıdy Sports.kz.

«Eger Mýrata demalys kúni Brantty jeńse, ol biz úshin tıimdi bolady. Men Honda myrza (Mýratanyń promoýteri) jáne Top Rank-pen jaqsy aralasamyn. Bul jekpe-jekti ótkizýge bolady. Gennadıı qashanda halyqaralyq deńgeıde aıqasqysy keledi. GGG ústel basyna qalaı keletinin, Mýrata Japonııada qandaı reıtıng jasap júrgenin bilemiz, ol óte tanymal boksshy. Eger demalys kúni jeńiske jetse, qarsylastar arasynda kósh bastaýy múmkin», - dedi Leffler.

Buǵan Arým da óziniń pikirin bildirdi.

«Golovkın - óte tanymal tulǵa. Eger ol Tokyo Dome-da Mýratamen jekpe-jekke shyqsa, bul úlken oqıǵa bolmaq. Tom Leffler - tamasha jigit, boksty túsinetin jaqsy promoýter. Bul Honda myrza ekeýimizge baılanysty, biz Tomǵa ol bas tarta almaıtyn usynys jasaımyz», - dep atap ótti Arým. 

Eske sala keteıik, buǵan deıin Tom Leffler Golovkınniń tıtýldyq jekpe-jegi týraly aıtty.