Golovkın Messımen birge álemdegi alǵashqy blokcheın smartfonnyń tusaýyn kesti

ASTANA. QazAqparat - Argentına quramasynyń kapıtany ári Ispanııanyń «Barselona» komandasynyń shabýylshysy Lıonel Messı qazaqstandyq boksshy Gennadıı Golovkınmen sýretke tústi, dep habarlaıdy QazAqparat Sports.kz-ke silteme jasap.

Sport juldyzdary Ispanııanyń Barselona qalasynda Shveıtsarııanyń SIRIN Labs kompanııasy jasaǵan Finney atty álemdegi alǵashqy blokcheın smartfonnyń tanystyrylymyna qatysty. Jabyq formattaǵy sharanyń fotosýretteriniń birinde Messı GGG-men birge qazaqstandyq bıznesmenderdiń ortasynda tur. Sýretti qazaqstandyq bıznesmen Keńes Raqyshev Týıtterdegi paraqshasynda jarııalady.

Aıta keteıik, Gennadıı Golovkın keler jyldyń kókteminde rıngke oralmaq. Biraq ázirge qarsylasy belgili emes.