Golovkın men Rollstan antıdopıng synamasy kútpegen jerden alynady

NUR-SULTAN. QazAqparat - Qazaqstandyq boksshy Gennadıı Golovkın men onyń qarsylasy kanadalyq Stıv Rolls jekpe-jek aldynda Dopıngke erikti testileý qaýymdastyǵynyń (VADA) baǵdarlamasyna qosyldy, dep habarlaıdy QazAqparat VKontakte áleýmettik jelisindegi «Qazaqstannyń kásibı boksy» paraqshasyna silteme jasap.

VADA-nyń tyıym salynǵan zattardy qoldanýǵa qarsy kúres baǵdarlamasy aıasynda qos boksshy dopıngke kez kelgen ýaqytta tekseriletin bolady.

«VADA Testing Gennadıı Golovkın men Stıv Rollsty bizdiń baǵdarlamada kórýge qýanyshty! #TazaBoks», - dep jazylǵan qaýymdastyqtyń Twitter-degi paraqshasynda.

Eske salaıyq, Golovkın-Rolls aıqasy 8 maýsymda Nıý-Iorktegi «Medıson Skver Garden» arenasynda ótedi. Olar eshbir tıtýlǵa talaspaıdy. Kezdesý 164 fýnt salmaq dárejesinde ótedi. Bul, Gennadııdiń DAZN strımıngtik servısindegi jáne jańa bapker Djonatan Benkstyń basshylyǵyndaǵy debıýtti jekpe-jegi.