Golovkın men onyń bapkeri rematch tóreshilerine qatysty pikir bildirdi

ASTANA. QazAqparat - Qazaqstandyq boksshy Gennadıı Golovkın (38-0-1, 34 KO) jáne onyń bapkeri Abel Sanches meksıkalyq Saýl Alvarespen (49-1-2, 34 KO) ekinshi jekpe-jektiń tóreshileri bul joly óz mindetterin tıisti deńgeıde oryndaǵanyn qalaıdy, dep habarlaıdy Sports.kz.

«Ekinshi aıqasta tóreshilerdiń professıonaldyǵyna úmittenemin», - dep málimdedi Golovkın.

«Tóreshilerge birneshe suraǵymyz bary anyq. Sonyń ishinde mennen de. Biraq menińshe, bul joly olarǵa kóbirek qysym kórsetilýde», - dedi Sanches.

Eske salaıyq, «Kanelo» - GGG» alǵashqy jekpe-jegi 2017 jyldyń 16 qyrkúıeginde ótip, ol teń aıaqtaldy.

Tóreshi Adelaıda Berd Alvarestiń paıdasyna - 118-110,  Don Trella 114-114 (bul rette, ol Golovkınniń basymdyq kórsetken - jetinshi raýndtyń jeńisin Alvareske berdi) upaı berdi. Tek Deıv Morettı ǵana jeńiske Golovkın jetti dep eseptedi  - 115-113.

Kópten kútken rematch bıylǵy 15 qyrkúıekte Las-Vegastaǵy (AQSh) T-Mobile Arena-da ótedi.

Bıletter quny 566 men 52 000 dollar arasynda belgilengen.