Golovkın men Martırosıan jekpe-jek aldynda kóz arbasty

ASTANA. QazAqparat - Qazaqstandyq kásipqoı boksshy Gennadıı Golovkın (37-0-1, 33 KO) men amerıkalyq bylǵary qolǵap sheberi Vanes Martırosıan (36-3-1, 21 KO) jekpe-jek aldynda kóz arbasý rásimine qatysty, dep habarlaıdy Sports.kz.

Kezdesý 5 mamyr kúni Karsondaǵy (AQSh, Kalıfornııa shtaty) StubHub Center arenasynda ótedi. 1XBET býkmekerik keńsesi bul jekpe-jekke mynandaı koeffıtsıentter berip otyr: Golovkınniń jeńisine - 1.03, Martırosıannyń jeńisine - 20, teń túsýine - 59.

Buǵan deıin Martırosıan bul kezdesýde búkil álemdi tańǵaldyratynyn aıtyp, sóz bergen edi. Sondaı-aq, Golovkınniń buǵan deıingi qarsylastarynyń barlyǵy odan rıngke shyqpaı turyp jeńilip qalyp kelgenin aıtyp, bul turǵyda ol ózi qazirdiń ózinde «jeńiske jetkenin» jetkizgen bolatyn.

Golovkın bolsa, qarsylasyna ádettegideı qurmet kórsetip, bul aýyr syn bolǵaly turǵanyn aıtqan. Tipti, ony «qaýipti boksshy» dep baǵalaǵan.