Golovkın men Martırosıan sońǵy salmaq ólsheý rásiminen ótti

ASTANA. QazAqparat - Qazaqstandyq boksshy Gennadıı Golovkın (37-0-1, 33 KO) men amerıkalyq Vanes Martırosıan (36-3-1, 21 KO) kezdesý aldynda salmaq ólsheý rásiminen ótti, dep habarlaıdy Sports.kz.

Golovkınniń salmaǵy 160 fýntty kórsetti, Martırosıan 159,6 fýnt boldy. Osylaısha, eki boksshy da orta salmaqtaǵy shekten asqan joq.

Aıta keteıik, olardyń salmaqtary kezdesýge 30 kún qalǵanda mynadaı bolǵan: Golovkın 165,8 fýnt, Martırosıan 170 fýnt. Kezdesýge 1 apta qalǵanda Golovkın 162,9 fýnt, Martırosıan 167,1 fýnt boldy.

Golovkın-Martırosıan boks keshi 5 mamyr kúni Karssondaǵy StubHub Center arenasynda (Kalıfornııa shtaty, AQSh) ótedi.

Qazaqstanda bul kezdesý 6 mamyr kúni, Astana ýaqyty boıynsha 05-30-dar shamasynda bastalady. Basty kezdesý saǵat 09-00-de bolady. Ázirge jekpe-jektiń qazaqstandyq telearnalar arqyly taratylý-taratylmaýy belgisiz.