Golovkın men «Kanelonyń» úshinshi jekpe-jegi qashan bolady

ASTANA. QazAqparat - ESPN telearnasynyń tilshisi Davıd Faıtelson Saýl Alvares pen Gennadıı Golovkınniń úshinshi jekpe-jegi jóninde pikir bildirdi, dep habarlaıdy QazAqparat Sports.kz-ke silteme jasap.

«Meniń paıymdaýymsha, «Kanelo» Golovkın taǵy biraz qartaıyp, boıynan kúsh ketkenshe kúte turady. Denıel Djeıkobs ta, Djermall Charlo da emes... «Kanelo» qalaıda Golovkınmen úshinshi ret aıqasýǵa tıis», - dep jazdy Faıtelson tvıtterde.

Eske sala keteıik, Golovkın men Alvares osyǵan deıin eki ret jekpe-jek ótkizdi. Alǵashqy kezdesý 2017 jyldyń qyrkúıeginde ótip, onda ekeýi daýly jaǵdaıda teń tústi («Kanelo» esebinde 118-110 upaı, Golovkın esebinde - 114-114, 115-113 upaı), al rematchta Alvares jeńiske jetti.

Alvarestiń ózi ekinshi jekpe-jekte bárine núkte qoıyldy dep esepteıdi, biraq soǵan qaramastan eger fanattar qalasa, úshinshi ret judyryqtasýǵa daıyn ekenin jetkizdi.