Golovkın men «Kanelo» jekpe-jegin 2 otandyq arna tikeleı efırde kórsetedi

ASTANA. QazAqparat - Orta salmaqtaǵy WBA (Super), IBO, WBC jáne IBF tujyrymdary boıynsha álem chempıony qazaqstandyq boksshy Gennadıı Golovkın (37-0, 33 KO) men meksıkalyq Saýl Alvares arasyndaǵy jekpe-jekti 17 qyrkúıek kúni eki birdeı otandyq telearna tikeleı efırde kórsetedi, dep habarlaıdy QazAqparat tilshisi.

Jekpe-jek keshi Astana ýaqytymen 17 qyrkúıek kúni Las-Vegastaǵy (AQSh, Nevada) «T-Mobile» arenasynda ótedi.

Otandasymyzdyń jekpe-jegin «QAZAQSTAN» jáne  «QAZSPORT»  telearnalary tikeleı efırde kórsetedi.

Translıatsııanyń bastalýy 06:00-de.  Birde-bir ret jeńilip kórmegen Gennadıı Golovkın sharshy alańda 37 jekpe-jek ótkizip, 33-in nokaýtpen aıaqtaǵan. Otandasymyz  2014 jyldyń maýsymynan bastap WBA nusqasy boıynsha sýperchempıon. 2011 jyldan bastap IBO nusqasy boıynsha  Álem chempıony. 2015 jyldan bastap IBF nusqasy boıynsha  Álem chempıony tıtýldaryna ıe. Al, 2016 jyly Saýl «Kanelo» Alvarestiń jekpe-jek ótkizýinen bas tartqannan keıin WBC nusqasy boıynsha  Álem chempıony atandy.

Esterińizge sala keteıik, Saýl «Kanelo» Alvareske qarsy jekpe-jekte Gennadıı Golovkın orta salmaqta WBA (Super), IBF jáne IBO chempıondyq ataqtaryn qorǵaıdy. Meksıkalyq «The Ring» jýrnalynyń belbeýin báske tigedi.