Golovkın men «Kanelo» úshinshi ret kezdespeýi múmkin

ASTANA. QazAqparat - Gennadıı Golovkın men Saýl Alvarestiń úshinshi kezdesýi bolmaýy múmkin, dep habarlaıdy QazAqparat Sports.kz. saıtyna silteme jasap. 

Boxingnews24.com tilshisi Shon Djonstyń pikirinshe, Gennadıı Golovkın men Saýl Alvarestiń trılogııasy bolmaýy múmkin.

«Golovkın úshinshi kezdesýdi kútip otyrǵany túsinikti. Alaıda Golden Boy buǵan qyzyǵýshylyq tanytyp otyrǵan joq. Olar jeltoqsanda Fıldıngpen kezdesý uıymdastyrýǵa yntaly. Al WBC «Kanelonyń» mindetti qarsylasy retinde Golovkın - Charlo jubyn sanktsııalady. Degenmen «Kanelonyń» WBC tıtýlyn osy osy juptyń jeńimpazymen ótkizetinine eshqandaı kepildik joq. Sondyqtan Golovkınniń «Kanelomen» taǵy bir ret kezdesýi úshin Charlomen judyryqtasýy bos áýreshilik bolýy da múmkin»,-degen pikirde avtor.

Alvares-Fıldıng kezdesýi Nıý-Iorkte 15 jeltoqsanda ótedi. 1XBET býkmekerlik keńsesi tómendegideı koefıtsıentter usynyp otyr: Alvarestiń jeńisi 1.06, Fıldıngtiń jeńisi 9.2, teń nátıje - 34.