Golovkın men «Kanelo» revanshy ótýi múmkin oryn belgili boldy

ASTANA. QazAqparat - Golden Boy Promotions prezıdenti Erık Gomestiń aıtýynsha, Las-Vegastaǵy T-Mobile Arena 5 mamyrda Gennadıı Golovkın men Saýl Alvarestiń qarymta aıqasyn ótkizýge eń qolaıly oryn, dep jazady Sports.kz.

Gomes atap ótkendeı, Las-Vegastaǵy birinshi jekpe-jekten qyrýar tabys túsken jáne olar osy formýlany qaıtalaýdan úmittenip otyr. Sondaı-aq, Dallas, Nıý-Iork pen Los-Andjeles te jekpe-jekti qabyldaýǵa qyzyǵýshylyq tanytýda.

«Las-Vegastyń basqa qalalarǵa qaraǵanda kezdesýdi ótkizýi múmkindigi basym, biraq aldymen bizge boksshylar arasynda kelisimge qol jetkizý kerek boldy jáne oǵan jettik te. Ótken senbide Oskar de la Hoııa men Tom Leffler kelisimge qol qoıdy, sondyqtan endi alań izdeýmen aınalysamyz. Sońǵy ret Las-Vegas bizge jaqsy usynys jasady, biraq biz olardyń josparyna da, marketıngtik ıdeıalaryna da qulaq asýymyz kerek», - dedi ESPN Deportes-ke Gomes.