Golovkın men Falkao jekpe-jegi qashan ótetini belgili boldy

ASTANA. QazAqparat - Brazılııalyq boksshy Eskıva Falkaonyń (30-0, 20 KO) menedjeri Serjıo Batarellı WBA men IBF-ten habarlama alǵan. Oǵan sáıkes, onyń klıenti orta salmaqtaǵy álem chempıony qazaqstandyq Gennadıı Golovkınmen (42-2-1, 37 KO) aıqasýy tıis, dep habarlaıdy QazAqparat Sports.kz saıtyna silteme jasap.

Jekpe-jek 120 kúnniń ishinde ótýi tıis, jeńimpaz orta salmaqtaǵy WBA álem chempıony Erıslandı Laremen judyryqtasýy kerek.

«Endi resmı jarııalaımyz. Men qazir ǵana IBF pen WBA-den hat aldym. Onda kelesi jyldyń basynda Eskıva Falkao men Gennadıı Golovkınniń tıtýldyq jekpe-jegin ótkizý týraly kelissóz bastaýdy buıyrǵan. 2023 jyldyń aqpanynda nemese naýryzynda ótedi dep oılaımyn (tek boljam ǵana). Ótetin orny men ýaqyty kelissózden keıin naqty belgili bolady», - dedi fýnktsıoner brazılııalyq BAQ-qa bergen suhbatynda.

Foto: allboxing.ru