Golovkın men Alvarestiń revanshy ótýi múmkin stadıon anyqtaldy
15:10, 26 Qyrkúıek 2017
ASTANA. QazAqparat - K2 Promotions kompanııasynyń basqarýshy dırektory Tom Leffler Amerıka Ulttyq fýtbol lıgasynyń «Dallas Kovboız» klýbynyń arenasy AT&T Stadium Gennadıı Golovkın men Saýl Alvarestiń mamyrda ótetin revanshyn sátti qabyldaıdy dep esepeteıdi, dep habarlaıdy Sports.kz.
Daily Mail Lefflerdiń «Dallas tartymdy varıant bolýy múmkin. «Ýemblıde» judyryqtasqan Entonı Djoshýa men Vladımıra Klıchkonyń 90 myń adam jınaǵanyn kórdik. «Kovboılar» stadıonynda 100 myń adamnyń kóz aldynda bolatyn aıqas aıtýly oqıǵa bolar edi», - degen sózin jarııalady.
Aıta keteıik, Golovkın men Alvarestiń birinshi jekpe-jegi 16 qyrkúıekte Las-Vegastaǵy T-Mobile arenasynda ótip, teń nátıjemen aıaqtalǵan bolatyn.