Golovkın men Alvarestiń qarymta kezdesýi jyldyń úzdik jekpe-jegi dep tanyldy

ASTANA. QazAqparat - Golovkın men Alvarestiń qarymta kezdesýi The Ring jýrnalynyń tujyrymy boıynsha jyldyń úzdik jekpe-jegi dep tanyldy, dep habarlaıdy Qazsport telearnasy.

2018 jyldyń 16 qyrkúıeginde Las-Vegasta ótken jekpe-jekte Golovkın tóreshilerdiń sheshimi boıynsha meksıkalyq boksshyǵa ese jiberip, chempıondyq ataqtarynan aıyrylǵan bolatyn. 

Al jyldyń úzdik boksshysy bolyp ýkraındyq Aleksandr Ýsık boldy. Ol bıyl WBSS týrnıriniń fınalynda reseılik Mýrat Gassıevti jeńip, Álemniń absolıýt chempıony ataǵyna ıe boldy. Sondaı-aq, Ýsık qarasha aıynda aýyr salmaqtaǵy brıtandyq eks-chempıon Tonı Bellıýdi nokaýtqa jibergen bolatyn
Eske salsaq, boks týraly jazatyn tanymal The Sweet Science basylymy da Gennadıı Golovkın men Saýl «Kanelo» Alvarestiń ekinshi ret aıqasyn 2018 jyldyń úzdik jekpe-jegi dep ataǵan edi.